Дар ҷаласа нақшаи таҳияи Созишномаи сармоягузорӣ оид ба таъсиси маҷмуи бехатарии ҳаракат дар роҳ дар доираи амалигардонии компоненти «Шаҳри бехатар» лоиҳаи «Шаҳри ҳушманд» дар Ҷумҳурии Тоҷикистон баррасӣ шуд.
Дар рафти вохӯрӣ ҷонибҳо оид ба ҳамкории зич ва таъсиси гурӯҳи корӣ оид ба омода намудани супоришҳои техникӣ,
асосноккунии техникӣ-иқтисодӣ, инчунин масъалаҳои ҳуқуқии татбиқи Созишномаи сармоягузорӣ ба мувофиқа расиданд.
Вохурӣ дар вазъияти пурмаҳсул гузашт.
Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар ҳамкорӣ бо мақомоти иҷроияи ҳокимияти давлатии вилояти Суғд ва шаҳри Хуҷанд бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба татбиқи тадбирҳо ҷиҳати таъмини рушди босуботи иқтисодии кишвар, баланд бардоштани сатҳи некӯаҳволии мардум, беҳтар намудани фазои соҳибкорӣ ва сармоягузорӣ санаи 27 апрели соли 2021 дар шаҳри Хуҷанди вилояти Суғд Форуми минтақавии соҳибкорони ватанӣ таҳти унвони “Рушди соҳибкории инноватсионӣ”-ро баргузор менамояд
Аз ин лиҳоз, ҷиҳати иштирок дар форуми мазкур соҳибкорон метавонанд, ба раёсати дастгирии соҳибкории Кумита тариқи телефонҳои 221-15-07 ва 221-26-20 муроҷиат намоянд.