Дар Ҷумҳурии Тоҷикистон 79 ташкилоти қарзӣ, аз ҷумла 17 бонк, 62 ташкилоти маблағгузории хурд (аз ҷумла 25 ташкилоти амонатии кредитии хурд, 6 ташкилоти қарзии хурд ва 31 фонди қарзии хурд) мавҷуданд.

Барои таъмини шаффофияти фаъолияти бонкҳо бо мақсади баланд бардоштани эътимоди мардум ва ҷалби сармояи дохилӣ бонкҳо ҳар сол ҳисоботи молиявии худро пас аз ба охир расидани аудит дар ВАО нашр мекунанд. Дар баробари ин, шаффофияти фаъолияти бонкҳо дар заминаи сомонаҳои бонкӣ аз ҷониби маҷаллаҳои «Бонкдорӣ дар Тоҷикистон» ва «Бюллетени омории бонкӣ» таъмин карда мешавад.