Санаи 09 июли соли 2021 Директори иҷроияи КВД «Тоҷинвест» Ҷавоҳирлал Музаффарӣ дар толори Корхона бо мушовири Сафорати Подшоҳии Тайланд дар Ҷумҳурии Тоҷикистон бо қароргоҳаш дар Нур-Султон ҷаноби Парадон Рангсимапорн мулоқот намуд.

Дар рафти баргузории мулоқот Директори иҷроияи КВД «Тоҷинвест» Ҷавоҳирлал Музаффарӣ имкониятҳои сармоягузории Ҷумҳурии Тоҷикистон ва Портали интерактивии В2В-ро муаррифӣ намуда, вобаста ба самтҳои муҳими ҳамкориҳои минбаъда бо ширкату сармоягузорони эҳтимолӣ Подшоҳии Тайланд гуфтушунид намуданд.

Ҷаноби Парадон Рангсимапорн иброз намуд, ки мақсади асосии ташрифаш ба  КВД «Тоҷинвест» ин пеш аз ҳама шиносои бо фазо ва имкониятҳои сармоягузории Ҷумҳурии Тоҷикистон ва баррасии ҳамкориҳои минбаъда дар ин самт мебошад.

Ҷонибҳо вобаста ба роҳандозӣ намудани ҳамкориҳои минбаъда байни соҳибкорони ҳарду кишвар изҳори ҳавасмандӣ намуда, самтҳои зерини ҳамкорӣ бо ҷониби Подшоҳии Тайландро дар соҳаҳои кишоварзӣ, саёҳӣ ва дорусозӣ аз қабили:

  1. амалӣ намудани лоиҳаи парвариши шолӣ бо ҷалби ширкатҳои Подшоҳии Тайланд:
  2. амалӣ намудани лоиҳаи хатсайрҳои саёҳи байни Ҷумҳурии Тоҷикистон ва Подшоҳии Тайланд:
  3. амали намудани лоиҳаи корхонаи истеҳсоли маҳсулотҳои доруворӣ бо ҷалби ширкатҳои Подшоҳии Тайланд ва
  4. масъалаҳои воридоти меваҳои суптропики аз Подшоҳии Тайланд ба Ҷумҳурии Тоҷикистонро мавриди баррасӣ қарор доданд. 

Дар хотимаи мулоқот аз ҷониби КВД «Тоҷинвест»  бастаи маводҳои имкониятҳои сармоягузории Ҷумҳурии Тоҷикистон ва лоиҳаҳои сармоягузорӣ дар шакли чопӣ ва  электронӣ ба меҳмонон тақдим карда шуданд.